خوفك

حروف كتير بتحارب جوه... جوفك
نفسها تطلع بس المشكله... خوفك
ساعتها بس هتلعن ... ظروفك
حبك وضعفك حنينك حروفك
حتى قولة الآه ... مكتومه يا ولداه
وحبك للحياه ... من كتر عذابها تاه
اخترت تبعد تتعزل
علشان ما ف يوم تتخزل
اسمع منى ياولدى من غير زعل
انت لسه عوووود اخضر
ياما هتمشي وتتعثر
وهتقوم تانى تتمختر
اصل الحياه تقع وتقوم
يوم فرحان والتانى مهموم
عمر الحزن مايدوم ولا الفرح هيدوم

وهم الحياه

احلام اوهام بتصحى عليها وتنام
عارف انها سراب ومع ذلك
حابب تصدق امل كداب
بيموتك اكتر منه بيحييك
قبل ما يفرحك تلاقيه بيذل فيك
الغلطه قبل ما تيجى منه
فى الاصل كانت فيك
مانت اللى عشت حاجه عمرها اصلا
مكانت ليك
يبقى هتستاهل كل اللى جرى ليك
زى ما صدقت الكدبه
لازم تستحمل العقاب
علشان ابدا تانى ما تعيش على سراب
تنسى الاوهام وتركن الاحلام
وتعيش واقع حتى لو كان حطام