عمر ضايع

وتوهه في دنيا واخدانا .. ومش عارفين لفين رايحين
وحلم مرمي جوه القلب .. قاتلين ليه الحنين 
وضحكه كل ما نرسمها .. تخلص بدمعة في العنين
دنيا بتجري تلف بينا .. ع المواني متغربين 
وفي كل مينا ندخلها ... قلبي يعيدلى الكلمتين
جايز ويمكن مكتوبالك .. جواها راحه م السنين
نرجع نتوه جواها اكتر ..
واهي دنيا ماشيه .. وعمر ماشي .. ومش عارفين لفين رايحين !!!...

من غير تفكير

بعض الوشوش تتشابه .. بعض الكلام متعاد 
فكرت في بينا خطوه .. طلعت ما بينا بلاد
محصور في سور غميق .. مبشوفش منه الضي
لا قلبي راضي بيه .. ولا قادر لقولة اي
عطشان حب وامان .. ملقتش غير وحده معجونه بالنسيان
كان قلبي يوم اخضر .. ناوي يطير فى العالي
قتلوه بصرخة الم .. بات يشكي الليالي
خاصم في عمره ضحكته وصاحب الدمعه
كل القلوب جرحته والدنيا دي الخادعه

لماذا؟

عيناه اللامعتان .. حمرة خديه .. وبسمة شفتيه 
نظره ساحره تجذبك اليه تجعلك تتمنى كما لو كنت مكانه 
تتأمل ذلك الكائن السعيد .. وتنظر له بامعان وعلى شفتيك عدوى تلك الابتسامه
لتجده بعيد كل البعد عن السعاده ... وما هو الا هيكل خارجي يحتوى الكثير فى داخله 
فلمعة عيونه ...ليست سوى دموع تأبى الانهمار .. ترفض الانخضاع لذلك العالم .. حتى يستطيع الاستمرار فى المقاومه بصمود .... لا يريد نظرة الشفقه او العطف 
اما عن حمرة خدية .... فما هي الا نتيجه لإندفاع الدماء في وجهه من كثرة ما تلقى من صفعات غادره ... وليتها كانت من الغرباء
وبسمة شفتيه ... حقا هي بسمه لم تخطأ عيناك هذه المره ياصديقي ولكنها بسمة مراره على ذلك الماضي البعيد الذى كان فيه سعيدا لا يدرك ما يحيكه ذلك العالم تجاهه ولا يدري ما سيعانيه ... عندما كان فى ربيع طفولته تلك التى لم تكتمل
فطفولته لم تحسب بالسنون كما هو مدروس في الكتب وانما بما عايشه من مواقف كان يفترض به ان يكون رجلا يتحمل مسؤليات تفوق طاقاته
ماتراه الان ليس ما كنت تراه قبل قليل ... هل توافقنى الرأي؟!
هل اصبحت تدرك حقيقة هذا الذي امامك ؟!
هل تعي ما هي حالته الان ؟!
هل تعلم ما السبب الرئيسي الذي اوصله لتلك المرحله ؟!
لماذا جميع اجاباتك بلا وانت من عشت معه كل هذه المراحل
لماذا لا وانت من كنت ترافقه .....
لماذا اصبحت لا تعرف نفسك حين تنظر فى المرآه ؟!........

حاله محاله

العشق يا ولدي حاله إنك تعيشها في الحياه ... محاله يمكن تزغزغ قلبك .. بغنوه او رساله يمكن عيونك تلمع .. وبسمه م القلب تطلع تلقاك محبوس في هاله ... مش شايف غير طيور ... وضحكه تهد سور ... ويرفرف الشعور ما العشق يا ولدي حاله بس اياك تنسى ... إن دوامها استحاله

دقة القلب

يامحلاها بدقة قلب 
تشد الروح وانفاسك 
وتغرق وسط اجمل حب
تعيش هيمان في احساسك
وتلقى الروح لروح تانيه اوام بتطب 

قادر تهد جبال

عجبي عليك يا ولد .. وسط الهموم شيال
حملك يموت بلد .. ويبدد الامال
لا قولت عايز مدد .. ولا كتفك مره مال
قادر تكون غنوه .. والأصل فيك موال
عجيب حنانك ..... فى القسوة ينضح
غريب جنانك.... فى الازمه يربح
قادر تصبر نفسك ... ودايما تملي بتربح
صباحك مهما كان كاحل .. قادر تخلي ليله نهار
وحزنك مهما كان حافل .. ببسمه تكمل المشوار
ولو كان الطريق قافل .. بايدك تكسر الاحجار
ومهما طال ظلام حزنك.. بكره تنوره الازهار
أفضل اروي الحلم دايما .. واوعى يأسك يوم يثور
وان شيطانك جه عليك .. اوعى تنسى تقوله غور
ولجل فرحه ولو بسيطه .. سافر عديلها البحور
وافتكر دايما ياولدي .. لولا الضلمه مكان في نور 

بنت شرقيه

مشاعرها في قلبها مكبوته 
بتعشها وبس في حدوته 
وتمثل انها مبسوطه 
واهي عايشه حياه 
ا!ا!ا!
مش فارقه أن كانت ملتوته 
او أنها فعلا مبسوطه 
واهي عايشه باسم البنوته 
والفعل الشيبه يا ولداه 

عجبي؟!

متنتظرش فيضان سعاده يجيك 

دي دنيا ربك خلقها علشان يبتليك

على قد قبولك بلوتك ..

 على قد ما ف دار الخلد يهنيك 

كل حاجه وعكسها

في جوايا سكك زحمه .. وبرايا تلاقي سكون 
ابنلك هادي انا وطيب .. وجوايا واحد مجنون
أحب اقعد وحيد اوضتي .. ومنها أطير والف الكون
ومليون حاجه جوايا .. وبرده العكس
والدنيا سايقه وبتفرم .. ولا حتى سمعت كلكس
كأني لا شايف ولا بندم .. ولا حتى كاني بحس
ابوس ايدك .. واحط اللولي على جيدك 
تحني في يوم على وليدك ..
ويشرب فرح من عيدك 

وهما اسموه حب

بعض الكلام أنغام .. 
والحب وهم كبير .. يكبر مع الالحان ..
عزف النغم ع الودن .. بيدوخ الولهان ...
تصبح ما تدرى أن كان كلامه صحيح .. ولا بفعل شيطان ..
مرمي عليك تعاويذ .. 
الشوق يدق بيبانك .. ويكسر بفعل كلامه في كل جدرانك...
تلقي الشرار انتشر .. ولع في بركانك ...
حيران ..... 
ماتدري أن كان هلاك ولا ملاك .. 
تايه وحيد .. وعيونك عن الحق هملاك ...
ونسان باسم غريب .. رسم لعينك ضي ..
خايف ترجع وحيد .. متقولش غير ال أي .. 
عايش في كدبه كبيره متصدقه .. حدوته ملتوته وشاربها بالمعلقه
فاكر هتفضل حر ؟!...
اخرك هتلقى ع الحبال شعلقه....

حبيبه

تغيب انت وطيفك حاضر

وترجع تاني اقول حاضر 

ومهما تغيب وتنساني

لحبك روحي وخداني 

بتسرق عمري وكياني

وحبك للقلوب كاسر

تقولي حبيبتي وحشاني

وحبك حلمي واماني

بدونك قلبي بيعاني

وبيكي ترن الحاني

واسمع وقلبي انا يهرب

ومن حبك ماريد اهرب

بلاقي فيك حضن وبيت

وغير قلبك ابدا يوم ما حبيت

ومهما تغيب ومهما تطول الغيبه

هيفضل قلبي مكتوب على اسمك

#حبيبه