اتعلم يكتم الوجع ... احساسه جوه منه مات
كل اما تيجي قصاده ذكرى ... يقول مجرد ماضي فات
ولما حلم اخضر يبدأ جوه منه ... بايده يدفنه من سكات
بطل يأن بطل يحن ... يستغرب اللى يقول اهات
عاش زي هيكل مبتسم .. رافض دموعه تترسم
تشوفه تقول يا بخته سعيد .. متشوفش قلبه اللى اتقسم
كتر الوجع فيه كبره ... والشيب فى ملامحه اترسم
كل الكسور فى عوده علمت ... اتعلم انه يتلحم
كتر الوجع غلب الجدع ... عيط بدل الدموع جبروت
خاف م الجدع بعد الوجع ... انسى انه كان ف يوم هلفوت
يوم بعد يوم يقسى وينسى ... وصمته يهزم اي صوت
