لحد امتى

لحد امتى هعيش وانا ميت بموت م الضحك ومن جوه بعيط انسان مكبوت محروم من حقه ولا الهلفوت سجين احلام مشفتش النور ازاى الارض تطرح وهى بور

حلم وراح

_ يادكتور .. انا تعبان 
عايش تايه وحيد عطشان
عطشان لقلوب تحبني وتملاني بالامان 
وكل اما اصالح دنيتي ارجع وابات زعلان
عايش وبس بطلت اموت بطلت أحس
حتى الفرح بقيت بخاف منه
بيبعد عني لو بيه حاولت احس
* معلش اطمن يابني
ده حال أغلب البشر
وخصوصا اللي لسه شباب
نتيجة الزمن اللي مليان شر
_ ههههه شباب ايه بس يادكتور
ده الشعر بدأ يشيب
* الشيبه مش لسن
الشيبه تعب وحزن
وده حاله عاديه لحالتك
_ عاديه ؟! وحالتى؟! أنا عندي ايه الله يخليك
* زيك زي اخواتك اللي قبلك
كان عندك حلم ... وراح 

اريدك واقعا بطعم الخيال

كن لي صديقاً .. قبل ان تكون الحبيب
كن كاتماً لاسراري .. لوجعي انت الطبيب
تغفر لي ذلاتي .. تغشي شمس المغيب
ايا صباحاً اتاني بعد ليلٍ عصيب .. وامسيةً انتظرتها بعد يومٍ رتيب 
كم كنت اتمنى لقياك .. بعدما عانيت بكاءً ونحيب
ايا قمراً ينير لي طريقي .. وقلباً يضفو صفاؤهُ الحليب
اريدك عاشقاً.. بسمائك طيفي لا يغيب
لقلبك قلبي قريب
اريدك قلباً صادقاً .. كصديق يدفع عن صديقه الاكاذيب
اريدك حنوناً .. كأبٍ يغمر ابنته ليحميها من واقعٍ مهيب
اريدك سنداً .. كأخٍ يخاف على اخته من غدر قريب
اريدك دنياً واخرةً وشمساً ابداً ابداً لن تغيب

ضياع

كان الضياع اصل الحلم
ف رسملك مخك مجرد فيلم
خلقلك احساس امان كداب
مشيت ورا كدبه يليها سراب
خوفت الضياع واديك اهو ضعت
ياريتك من خيالك فوقت
ارمي اللي ضاع .. فى احلامك
لو مكنش باع ..كان فضل لسه قدامك
افتكر انه كان وبس .. مجرد حلم 

اهلاً بك في عالمي

نعم اقولها لك بكامل قوايا العقليه 
لم احبك يوما .. 
فمنذ ان كبرت وصرت ارى الحب مرتبط بالفراق 
لاتوجد قصص تكتمل حتى نهاية الحياه سوى فقط بالروايات التى طالما تمنيتها حقيقه
لم احبك لك انت .. بل لعالمٍ حولك .. كسر الحب والاحباب
ولكنى على اتم الاستعداد ان ادفع لك عمري كاملا فقط .. ان اعطيتنى يوما واحداً
كثيرون يقولون وعوداً كاذبه .. وقليل من يلتزم بوعده
لا اريد منك وعوداً .. اريد ان ارى حبك في افعالك
نعم سيدي كثيرون يقولون ان المرأه تستمتع بالكلام المعسول
ولكن عفواً .. فى عصرنا هذا اصبحنا نشك بذلك الكلام من كثرة ما قيل
نعم الكلام المعسول يُذهب عقل الفتيات .. ولكن بالافعال تملك القلب والروح
فان سمعت كلامك .. اطربنى .. ولكنى لن اتأثر به
اما ان سعيت نحوي بقدمِ .. جريت نحوك الف
نعم لم احبك .. فإن كنت تريد الحب الان فارحل عنى
اما ان كنت تريد من تقدم لك عمراً فى سبيل اسعادك .. من تريد ان تحمل همك قبل ان ترى افراحك .. من تعيش واقعا حاليا وتريد مستقبل خيالياً .. من تريد ان تتخلى بك عن العالم بأكمله
من تنتظر الغد كي تحيا .. ولا تريد حياة مؤقته
ف أهلاً بك في عالمي

معلش

مش كل اللي بيقولك احكي .. بيسمع علشان يقولك معلش
ممكن جدا عايز يفكر معاك .. مش كله مركب وش 
عايزك تفضفض ومعاه ترتاح .. من غير لا كدب ولا غش 
مش كل اللي عايزك تحكي مستني يقول معلش

احبك وكفى

حبك اكسجيني .. اتنفسه بكل دقيقه 
حبك يغنيني .. عن الدنيا بما فيها 
حبك يكفيني .. لكي احيا 
‫#‏أحبك‬ وكفى 

اتقبل بي

أتقبل بي؟
أتقبل بقلب محطم مجروح 
أتقبل بقلب سلبت منه الروح 
أتقبل بقلب رائحة ناره مازالت تفوح 
أتقبل ؟!
هل تستطيع أن تبث فيه من روحك
هل ستقبل جروحه وكأنها جروحك
هل ستحمي ما تبقى منه داخل صروحك
هل ستفعل ؟!
أم ستقضي على ماتبقى منه وترحل
وتتركه في الظلام يوحل ..
وكيف لقلب تحمل كل ما عاناه قلبي...
أن يثق فى دخيل .. حتى وإن كان عاشقا
وكيف تريده أن يعيش بكلمة منك ... في السماء محلقا
أليس من حق نبضه أن يثور في وجه من جاءه .. حتى وان كان معانقا
فهو لا يدري أيهما كان يدعي الكذب.. وايهما صادقا
فقد تاه قلبي من كثرة ما كان له منافقا
وكم استمع لعهود ووعود وصدقها .. ليجد نفسه في الأوهام غارقا
أتقبل ؟!
قل لي بربك أليس من حقه ..
ان يبحث عن قلب صادق يحتويه
قلب بحبه يشفي ما يعانيه
قلب يزيل عنه غبار يعتليه
قل لي بربك .. أتقبل بي ؟!

خوف

قربك منى بمقدار ذلك البعد الذي بيننا 
استحوذت على قلبي فى لحظات 
وفى وقت كنت اعاهد نفسي انى لا اريد احد 
ومع ذلك القرب يقف ذلك المجتمع الشرقي بيننا 
رغم قربك منى الا انني اخاف الاقتراب منك 
اخاف اقترابك لانى اخشى رحيلك عني
هكذا عودني ذلك المجتمع الظالم
كلما احببت .. هجرني احبتى 

درس الحياه

وكيف لقلب محطم من اقرب الناس إليه 
أن يامن غدر البشر 
وكيف لإنسان يرى الغدر والكذب فى كل مكان 
ويستمر بالرغبة فى استكمال هذه الحياه 
كلهم كاذبون
وانت اولهم لانك تعلم الحقيقة
ومع ذلك تجادلني لالتمس الاعذار لهم
فتبا لقلب أمن لبني البشر
وسحقا لعقل ظل يفكر بهم
وهلاكا لروح اشتاقت لهم
ودمارا على من لم يستوعب الدرس جيدا

انت والليل

اعشق الليل بهدوءه ... عندما تنام العيون
اسمع صوتك في جوفه .. حين يصمت باقي الكون
اشتم رائحتك في نسماته .. فاكسجيني بك مرهون
ارى وجهك في قمره .. وصرت ارانى كالمجنون
اختلق احاديثً بيننا .. اتراني بك ملعون 
لا يهمني ماذا تراني .. ف وريدي بك محقون 
اراك واحادثك في يقظتي .. وايضاً بعدما تُغلق الجفون
لهذا اعشق ليلي لانه يجمعنى بك وحدك .. بعيداً عن كل العيون 
والعن استيقاظي صباحاً .. حين يأخذني منك كالمطعون
وانتظر ليلي القادم .. لتستكين بك نفسي 
وتهيم ارواحنا .. بعيداً عن هذا النطاق الملعون

إدعاء كاذب

تأكد ...
قبل أن تدعي النسيان 
بأن الخيالات والأحلام ستنسالك
تأكد بأن الذكريات لن تطاردك
تأكد أن روحك أيضا تريد الخلاص
تأكد أنك ستعيش في سلام 
تأكد أنك لن تكون سجين الماضي
وأنك ستشعر بالحاضر كالأحياء
تأكد أنك لن تلتقط أنفاسك بصعوبه 
فى محاولات منك لصد شلالات عينك 
عندما تتذكر ... أنك فقط
تدعي النسان .......

وحي الطبيعه

كصخرة في منتصف البحر 
تصارع امواجه لترى شمس الغد 
وبرغم قوتها التى تفوقه
 تستسلم لقوة امواجه المتكرره 
لترها تغوص في باطنه 
لا تدري أكان البحر يحضنها ليحميها 
أم أنه يريد أن يسيطر عليها ويضعفها 
كي لا ترى شمس الغد 
ولا تستطيع الهروب لمكان آخر

حب كبير

ايوه بحبك حب كبير ... ايوه تعبت من التفكير 

قلبي خلاص مبقاش اهوه ملكي 

سابني وراح يا حبيبي اليك

عقلي وسلم .. فكري اتبسم 

روحي تاخدني ليلاتي إليك

ايوه بحبك حب كبير

*********** 

حبك في قلبي يوماتي يكبر 

في حياتي من غيرك انا بتدمر 

الصبر لصبري مبقاش يصبر 

تعبت زهقت من الاساطير

ايوه بحبك حب كبير

*********** 

عقلي احتار في افعالك

وقلبي ما كلّ عن سؤالك 

عرفت اني في هوالك هالك 

محال قلبي يعيش كتير 

ايوه بحبك حب كبير

*********** 

حاولت انساك ومقدرتش 

لغيرك قلبي ما دقش 

عنيا ليل نهار ترمش 

بصورتك جوه قلبي تطير

*********** 

يزيد حبك ويستعمر 

لقلبي كل يوم اكتر 

ويتعب عقلي ويفكر 

وحبي ليك يزيد يكبر

والاقيني بحبك حب كبير 

ايام زمان

فين ايام زمان
ايام الحب مكان 
على الوشوش وفي القلوب يبان
حب صادق مش محتاج اي امتحان
وقلوب مليانه طيبه وحنان
وقت مكان كل احساسنا هو الامان
مفيش خوف من بكره وفي اطمئنان
فين ايام زمان
ايام القلوب النقيه
مش بتدور ع الازيه
عايشه الحلم ليها وليا 
مش واخداني لعبه وتسليه 
فين ايام زمان 

انه القدر

راح الحبيب وكان قريب 
عمري ما تخيلت يوم انه يغيب 
سبحانك ياربي .. 
الطيب فى الدنيا دي مالوش نصيب
عمره قصير .. ذنبه صغير 
حبه كبير ...
كان صحكتى وقت خنقتى 
كان ايد بتمسح دمعتى 
كان جايزة ربي فى دنيتى 
خلاص عيونوا غمضوا 
ما في شيئ عندي يعوضوا 
يارب رحمتك وحنانك 
واجمعنا يارب ف جنانك 

لن تدرك ابدا

لن تدرك قيمة اللذي اضعته الان ... 
وربما ليس لاحقاً ...
وربما الى ان تنتهي حياتك ... 
ستظل غائبا عن حقيقة ما وقع منك فى منتصف الطرق ...
اذا كان شيئاً ماديا .. فحتما ستشعر به الان او فيما بعد ...
اذا كان صديقا غير نقياً فربما ستشعر بغيابه اذا انقلبة حياتك راسا على عقب بسببه ... 
اما اذا كان قلبا صادقاً يدعو لك فى وجه الغيب لن تشعر به حقاً ...
لان بوجودكما معا او لا سيستمر دعائه لك ...
واما عن الاشياء الماديه والصديق الغير نقي فليسا مهمين ياسيدي ...
بقدر اهمية ذلك القلب المخلص الصادق فى حبه لك ... 
وهذا الوحيد الذي لم ولن تشعر به ...
لهذا لن تدرك قيمة اللذي اضعته الى ان تنتهي حياتك ... 

اه يابلد

العطشان مبيشربش .. والشبعان اوانيه مليانه وده حالك يابلد ... والاسم نقول حيطه اويانه مكتوب علينا فيكي الذل .. بنضحك .. ومن جوه حزانه الفقير فقره يزيد ... والغني فى قلبك جنب الوريد هنيتى زيد بعبيد ... وبأيدك سلمتى على قفانا بنعافر ذلك وعنيدك ... مع اننا فى الحب عبيدك عمرك ما قدرتى على سيدك ... وقدرتي وبس على الغلبان

طنش .. تعش .. تنتعش

احلق كبر فك وروش نفض عدى وروق طنش بيس يا معلم قشطه يامان هاتلى سجاره اصل انا خرمان شباب خربان ... ولابس وش الف اه وميت معلش حياه مرسومه بكدب وغش زوق نفسك ضيف تحابيش بدل البيئه واكل العيش قضيها خروجات .. فسح وحشيش صاحب واحده اتنين وتلاته وعشان تكمل صورتك يسطا من جيب ابوك اصرف بقشيش لكن الشغل واكل العيش والجنتله والمرجله كل ده يا صاحبى كلام تهجيص

عيش وحدك

كاسات عذاب لازم علينا تمر
هدوق وتشرب مهما كانت مر
هتتحمل .. تقول معلش
لحد العمر بيك ما يمر
تعبت خلاص ؟!
فاض بيك م الناس ؟!
ظلم وقهر ووجع الراس ؟!
قلبك بالناس فقد الاحساس ؟!
طب معلش :(
عمرك كله مجرد ايام
عدى امباح فاضل بكره
حافظ على حلمك خليه فكره
وبلاش تشرك فيه غيرك.... خاف من مُكره
عيش اللى فاضلك في خيالك
خليك لحياتك انت المالك
اوعاك يصعب في يوم .... عليك حالك
وتحن لحد ....
وقتها هتلاقي الحزن والالم حالك
وتشوف الدنيا سواد حالك
وقلبك تلاقيه متهالك
وبدل ما تموت مره ياصاحبي ...
هتموت الف مره م المهالك

لا أحد

حلماً ... فواقعاً .... فهباءً ... فوجعاً ... فحطاماً ... فدواءً ... بمرارة الصبر لست ادري ابعد الدواء ... شفاء ام بعده سياتي الشقاء هل سأتذوق حلاوة تنسيني مرارة ما مضى ؟! ام انني سأحن لما مضى ؟! اصبحت اخاف كل شيئ .. اريد فقط ان احيا ولا اريد اي شيئ ... اريد ان اغيب عن كل عالمي هذا فقط كل ما اريده منزل صغير وشاطئ كبير ولا أحد ...................

نعم اريد

اريد محادثتك ... واخاف الا تجيب
فقدر بعدك عنى ... مازلت مني قريب
فمنذ غيابك يا حبيبي ... وقتي عصيب
لا ادري اكان موت الحب ام موت الحبيب ؟!!!

وحشتني الفرحه

وحشتنى الفرحه اللى بجد 
وصوت ضحكه تسمّع بين السما والارض
نقلتني الحياه فجاه 
من طفل 
لسه عايش فى المهد 
لعجوز قرب خلاص من اللحد
عنده الف سؤال
مش لاقي ليهم رد
جيت الحياه انا ليه ؟!
طب لسه عايش ليه ؟!
عايش فى هموم بحاول بيها انا اعيش
ساعات ارميها ورا ضهري كأنه مفيش
وترجع تفوقنى الحياه بهمومي
وكأنها بتقولي ... لا قومي
مليكش فيا انا عيش
قلبك كبير منداس ... طيب حنون حساس
مالوش مكان بين دي ناس
ماليها الكدب والغش ... والوسواس
مش زي فكرك انها حتة ماس ...
فرحتك اللى بجد
مع رب السما والارض
قربي منه لابعد حد
يزرع فرحه جوه وريدك
وعقد الضحكه يزين جيدك

اشتقت اليك فعلمنى الا اشتاق

اشتقت ... 
وبقدر اشتياقي راقبت ... 
وبقدر مراقبتى تألمت ... 
وبقدر ألمي زاد اشتياقى ...
وبرغم اشتياقي لم تعد لدي طاقة الحديث ...
لست اتمنى الكره ...
فقبل ان اكره شخصاً ... سأكره نفسي ...
ولكني اريد فقط ان انسى ذلك الفصل ...
لا ... بل اريد نسيان فصول كثيره ...
ولكن ... 
ليس كل ما يتمناه المرء يلقاه ..
ولذلك ...
هجرتُ بعض احبتى طوعاً لِـ أنني ….رأيتُ قلوبهم تهوى فِراقي
نعمْ أشتاق ، ولكني وضعتُ ……. كرامتي فوق إشتياقيّ
و أرغبْ وصلهمْ دوماً ولكن……. طريقُ الذل لا تهواهُ ساقيّ

العادي

هو عادي 
ايوه اكيد ده العادي 
ولا حد هيحس ببعادي
ولا كنت في يوم افرق معاك
بس القلب المليان وجع
دايما بيستنى القلب الجدع
يدوق معاه الفرحه ويعرف بيه معنى الدلع
عارفه انى مش بس قلبي اللى اتوجع 
بس وجعي في قلبي طعمه مختلف 
مش وجع حبيب بدماغي لف 
مع احترامي حتى الحبيب في ديني غريب
ووجع الغريب مهما كان عمره مايعلم زي القريب 
سيب الألم وأسبابه وركز بس في صحابه
قلبهم مستني بس دقة فرح 
لو اى كلمة صغيره تلاقيه فرح
وفي كل فعل ورد ليك تلاقيه سرح 
ياترى يا هل ترى كان يقصده ؟!!
القلب عايز يقتنع والعقل لفعله بيرفضه 
لا اكيد مش يقصده ده العادي طبعا مش جديد
قلبه م الحب جريح مهواش حديد
واللى انجرح قلبه هيخاف م الجديد
مش سهل يسلم ولا يتكلم 
مش عارف غير انه بس يتألم
قلبي اتندم ... مخي وبلم
حتى خيالي رافض بيك يحلم
عقلي تعب من التفكير
احساسي قالي استنى والله في خير 
ده العبد في التفكير والرب في التدبير

بحر الحياه

اغرقتني الهموم

صرت ارى السماء ملبده بالغيوم

حتى وإن كانت صافيه

فنفسي لم تستطع ان تعوم

في بحرك ايتها الحياه ...

اسير بكي هائماً

عن الوعي غائباً ... وللحزن مصاحباً

لأثقالك حاملاً ... وبقيودك مكبلاً

لم اعد اسطيع السير اكثر

فصفو سمائك قد تعكر

وببحر همومك

صرت اغرق أكثر فأكثر ...

الوحده راحه

الضعف منك والقوه بيك 
حزنك وفرحك بين ايديك 
بس الغريب لما مفيش حاجه تأثر فيك 
تشرب وتاكل تشتغل وتنام عايش وبس
ويعدي يومك بدون ما تحس 
ولا فارق
مين قرب ومين فارق
كل مواقف الحياه بحلوها ومرها بترميها
والحلوه منها قبل المره تعديها
عايش يومك
زي ماهو وكيف ما يكون
مش همك الحياه تتلون حتى لو ميت لون
تخرج لابس وش الفرح
شخص غريب مليان مرح
تلف ... تدور
تجري ... وتعدي بحور
وترجع تانى للقوقعه اللى فيها قاعد مرتاح
برغم ضيقتها ... لكن مليانه هدوء وبراح
فيها انت وبس
ولا بكدب وخداع هتحس
ولا لنبض فلان هتجس
ولا وشوش الحياه هتلبس