ايوه اكيد ده العادي
ولا حد هيحس ببعادي
ولا كنت في يوم افرق معاك
بس القلب المليان وجع
دايما بيستنى القلب الجدع
يدوق معاه الفرحه ويعرف بيه معنى الدلع
عارفه انى مش بس قلبي اللى اتوجع
بس وجعي في قلبي طعمه مختلف
مش وجع حبيب بدماغي لف
مع احترامي حتى الحبيب في ديني غريب
ووجع الغريب مهما كان عمره مايعلم زي القريب
سيب الألم وأسبابه وركز بس في صحابه
قلبهم مستني بس دقة فرح
لو اى كلمة صغيره تلاقيه فرح
وفي كل فعل ورد ليك تلاقيه سرح
ياترى يا هل ترى كان يقصده ؟!!
القلب عايز يقتنع والعقل لفعله بيرفضه
لا اكيد مش يقصده ده العادي طبعا مش جديد
قلبه م الحب جريح مهواش حديد
واللى انجرح قلبه هيخاف م الجديد
مش سهل يسلم ولا يتكلم
مش عارف غير انه بس يتألم
قلبي اتندم ... مخي وبلم
حتى خيالي رافض بيك يحلم
عقلي تعب من التفكير
احساسي قالي استنى والله في خير
ده العبد في التفكير والرب في التدبير
ليست هناك تعليقات:
إرسال تعليق