دنيا ملاهي

شخابيط ورتوش توهه وحيره 
ظلم وتحوير وحكاوي كتيره
ضربة حظ تقتل عدمان
واسطه فلوس بقيت انسان 
غير كدا جربوع .. عدمان صدمان
عبئك تقل على البهوات
ولا ليك لازمه غير الهتافات
حتى الصوت مبقاش بيبان
ميت ضايع وسط حكاوي
ولا بايدك ولا كنت انت الغاوى
شفت الدنيا ..... ؟!
دنية مين يابا ... احنا غلابا كلتنا ديابا
ادفع قرش وحط جنيه
كله يهون لأجل البيه
اسكت خلي مراكبك سايره
متفكرش... دي بلدك طايره
ماشيه تقولشي ولا نورماندي
هتوصل فين ؟!... علمها مش عندي