إستقالة قلب
قلب من كتر تعبه مش عايز يحب
قلب إنتقل من الطفوله للعجز ونسي يكون شاب
كل ما تشرق شمسه لازم تغطيها السحب
كتير اتعلق بناس وفى الاخر يطب
مجروح نزيف جرحه يملا الف كاس وكاس
عايز يعيش وحدانى مش عايز يشوف الناس
ناس حقيقة قلوبها حجر ومن بعيد تشوفها ماس
وناس قلوبها بقت خاليه من الاحساس
قلبى خلاص اعتزل النبض
قال هيجرب حضن الارض
يمكن يلاقى فيها العوض
عن قلوب فيها مرض
غيره وحقد وحسد
ليست هناك تعليقات:
إرسال تعليق